Korrupsaun satan netik dezenvolvimentu, desvia rekursu públiku sira hosi ema hirak mak persiza liu rekursu sira ne’e. Timor-Leste iha biban uitoan deit nebé tenki aproveita didiak atu asegura katak korrupsaun sei la kuda abut. Banku tulun daudaun Governu identifika áreas ho risku ba korrupsaun no governasaun ladiak no rezolve problema sira nebé mosu daudaun. Nia suporta Gabinete Inspetor Geral no Provedor, instituisaun prinsipal rua Timor nian iha funu atu halakon governasaun ladiak.